ນັກກິລາກອງບັນຊາການທະຫານແຂວງສາລະວັນ ມີຄວາມພ້ອມ 100%
ການກຽມຄວາມພ້ອມຂອງນັກກິລາ ກອງບັນຊາການທະຫານແຂວງສາລະວັນ ໃນແຕ່ລະປະເພດທີ່ເຂົ້າສູນເຝິກ ຊ້ອມໃນໄລຍະ
ຜ່ານມາປັດຈຸບັນມີຄວາມພ້ອມ 100% ທີ່ຈະເຂົ້າຮ່ວມການແຂ່ງຂັນກິລາທົ່ວກອງທັບ ເຂດແຂ່ງຂັນທີ 5 ທີ່ແຂວງເຊກອງເປັນເຈົ້າພາບ
ເພື່ອຂ່ຳນັບຮັບຕ້ອນວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີທີ່ຈະມາເຖິງນີ້.
ສະຫາຍ ພັນໂທ ບົວໄລ ພົງສະຫວັດ ຮອງຫົວໜ້າຫ້ອງເສນາທິການ ກອງບັນຊາການທະຫານແຂວງສາລະວັນ ທັງເປັນຫົວໜ້າ
ຄະນະຊີ້ນຳອະນຸກຳມະການກິລາ ໃຫ້ຮູ້ວ່າ: ໃນການເຝິກຊ້ອມຂອງນັກກິລາແຕ່ລະປະເພດໃນໄລຍະຜ່ານມາ ເຫັນວ່ານັກກິລາແຕ່ລະ
ສະຫາຍມີຄວາມເປັນເອກກະພາບພາຍໃນທີມຂອງກິລາແຕ່ລະປະເພດ, ເອົາໃຈໃສ່ເຝິກຊ້ອມຕາມແຜນການຂອງຄະນະຊີ້ນຳ, ຕາມ
ທິດຊີ້ນຳຂອງຄູເຝິກ ແລະ ຕາມຕາຕະລາງຂອງກິລາແຕ່ລະປະເພດ ເພື່ອເຮັດໃຫ້ນັກກິລາມີຄວາມເຂັ້ມແຂງທາງດ້ານທັກສະພຶດຕິກຳ
ຂອງຕົນເອງ ໃຫ້ມີຄວາມວ່ອງໄວ ແລະ ຄ່ອງແຄ່ວຫຼາຍຂຶ້ນ ສຳລັບກິລາທີ່ຈະເຂົ້າຮ່ວມການແຂ່ງຂັ້ນໃນຄັ້ງນີ້ມີ 10 ປະເພດຄື: ກິລາບານ
ເຕະ, ບານສົ່ງ, ກະຕໍ້, ເປຕັງ, ຍິງປືນ AK, ຍິງປືນ RPK, ຍິງປືນ SVD, ໝູ່ປືນກຳລັງໄຟແບກຫາບ, ແລ່ນມ້າງປະກອບອາວຸດ ແລະ
ນັກຮົບແຂງແຮງມີນັກກິລາທັງໝົດ 116 ສະຫາຍ.
ແຫຼ່ງທີ່ມາ: ບຸນກອງ ຄຳປະສົງ
ວັນທີ 13/11/2023